Xalbêhnok ;

a) Gava ku danîna xalê zêde xurt, ya bêhnokê jî zêde kêm bihê dîtin, di navbera beşên komekê da xalbêhnok dihê danîn.

Xalbêhnok dikeve navbera beşên komekê yên ku ji alîyê naverokê ve bi hevûdin ve girêdayî ne. Bi danîna xalbêhnokê, hem tixûbên hevokan dîyar dibin hem jî hevok bi hevûdin ve dihên girêdan. Dema ku di komekê da hin tişt bi awayê grûpên cuda li dû hevûdin rêz dibin jî ji bo ji hevûdin bihên veqetandin, xalbêhnok dihê bikarînan:

Gava ku em çûn, ji gundê me Evdo, Azad, Filît û Roşan; ji gundê kirîvên me jî Qado, Mîran, Botan û Hesen li wê derê bûn.

b) Gava ku hejmarên dehekî li dû hevûdin bihên rêzkirin, di navbera wan da xalbêhnok dihê danîn:

3,14; 3,5; 4,25; 6,15

c) Bêjeyên wekî navên kesan ku her dem bi girdekan dest pê dikin ne tê da, piştî xalbêhnokê hûrdek dihê. (beşê “Girdek û hûrdek”ê).

d) Piştî xalbêhnokê divê ku navber hebe ( beşê “Navber”ê).